ಮಧ್ಯಪ್ರಾಚ್ಯದಲ್ಲಿ ಶಾಂತಿ ಕಾಪಾಡಿದ ಅಮೇರಿಕಾ ಅಧ್ಯಕ್ಷ ಜಿಮ್ಮಿ ಕಾರ್ಟರ್

ಯುದ್ಧಗಳು ಒಂದು ದಿನದಲ್ಲಿ ಅಂತ್ಯವಾಗುವುದಿಲ್ಲ. ಆದರೆ ಒಂದು ಕ್ಷಣ-ಸರಿಯಾದ ಪ್ರಶ್ನೆ, ಸರಿಯಾದ ಧೈರ್ಯ-ಇತಿಹಾಸದ ದಿಕ್ಕನ್ನು ಬದಲಾಯಿಸಬಹುದು. ಜಿಮ್ಮಿ ಕಾರ್ಟರ್ ಅಮೆರಿಕದ ಬಲಿಷ್ಠ ಅಧ್ಯಕ್ಷರ ಕಲ್ಪನೆಗೆ ಸರಿಹೊಂದಲಿಲ್ಲ. ಅವರು ತಮ್ಮ ಬ್ಯಾಗ್‌ಗಳನ್ನು ತಾವೇ ಹೊತ್ತೊಯ್ಯುತ್ತಿದ್ದರು. ಓವಲ್ ಆಫೀಸ್‌ನಲ್ಲಿ ಕಾರ್ಡಿಗನ್ ಸ್ವೆಟರ್ ಧರಿಸುತ್ತಿದ್ದರು. ಜನರಿಗೆ ತಮ್ಮ ಮನೆಯ ತಾಪಮಾನವನ್ನು ಕಡಿಮೆ ಮಾಡಲು ಹೇಳುತ್ತಿದ್ದರು. ಭಾನುವಾರ ಶಾಲೆಯಲ್ಲಿ ಪಾಠ ಮಾಡುತ್ತಿದ್ದರು ಮತ್ತು ಜಾರ್ಜಿಯಾದ ಶಾಂತ ಧ್ವನಿಯಲ್ಲಿ ವಿನಯ, ಪ್ರೀತಿ ಮತ್ತು ತ್ಯಾಗದ ಬಗ್ಗೆ ಮಾತನಾಡುತ್ತಿದ್ದರು. ಆದರೆ 1971ರ ಸೆಪ್ಟೆಂಬರ್‌ನಲ್ಲಿ, ಅದೇ ಶಾಂತ ವ್ಯಕ್ತಿ ಇತಿಹಾಸದಲ್ಲಿ ಯಾರೂ ಸಾಧಿಸದ ಸಾಧನೆಯನ್ನು ಮಾಡಿದರು. ಮೂವತ್ತು ವರ್ಷಗಳಿಂದ ಒಂದು ಪ್ರದೇಶವನ್ನು ಕಾಡುತ್ತಿದ್ದ ಯುದ್ಧವನ್ನು ಅಂತ್ಯಗೊಳಿಸಲು ಸಹಾಯ ಮಾಡಿದರು. 1948ರಿಂದ ಈಜಿಪ್ಟ್ ಮತ್ತು ಇಸ್ರೇಲ್ ನಾಲ್ಕು ಭೀಕರ ಯುದ್ಧಗಳನ್ನು ಹೋರಾಡಿದ್ದವು. ಸಾವಿರಾರು ಜನರು ಸಾವನ್ನಪ್ಪಿದ್ದರು. ಒಂದು ಪೀಳಿಗೆ ಸಂಪೂರ್ಣವಾಗಿ ಭಯ ಮತ್ತು ದ್ವೇಷದ ನಡುವೆ ಬೆಳೆದಿತ್ತು. ಈ ಸಂಘರ್ಷ ಶಾಶ್ವತವೆಂದು ಎಲ್ಲರೂ ಭಾವಿಸುತ್ತಿದ್ದರು. ಆದರೆ ಜಿಮ್ಮಿ ಕಾರ್ಟರ್ ಅದನ್ನು ನಂಬಲಿಲ್ಲ. ಅವರು ಈಜಿಪ್ಟ್ ಅಧ್ಯಕ್ಷ ಅನ್ವರ್ ಸದಾತ್ ಮತ್ತು ಇಸ್ರೇಲ್ ಪ್ರಧಾನಮಂತ್ರಿ ಮೆನಾಹೆಮ್ ಬೆಗಿನ್ ಅವರನ್ನು ಅಮೆರಿಕದ ಕ್ಯಾಂಪ್ ಡೇವಿಡ್ ಎಂಬ ಶಾಂತ ಸ್ಥಳಕ್ಕೆ ಆಹ್ವಾನಿಸಿದರು. ಯಾವುದೇ ಮಾಧ್ಯಮ ಇಲ್ಲ. ಭಾಷಣಗಳಿಲ್ಲ. ಹೊರಗೆ ಹೋಗುವ ಅವಕಾಶವಿಲ್ಲ. ಹದಿಮೂರು ದಿನಗಳು. ಒಂದು ಗುರಿ-ಶಾಂತಿ. “ಶಾಂತಿ ಸಿಗುವವರೆಗೆ ಇಲ್ಲಿಂದ ಹೊರಡುವುದಿಲ್ಲ” ಎಂದು ಅವರು ಸ್ಪಷ್ಟವಾಗಿ ಹೇಳಿದರು. ಚರ್ಚೆಗಳು ತಕ್ಷಣವೇ ಸಂಕಷ್ಟಕ್ಕೆ ಸಿಲುಕಿದವು. ಬೆಗಿನ್ ಹಾಲೋಕಾಸ್ಟ್ನ ಬದುಕುಳಿದವನು. ಅವನು ಇಸ್ರೇಲ್ ಯಾವತ್ತೂ ದುರ್ಬಲವಾಗಬಾರದು ಎಂದು ನಂಬಿದ್ದ.

ಈಜಿಪ್ಟ್ ಅಧ್ಯಕ್ಷ ಸದಾತ್ ತನ್ನ ಜನರಿಗೆ ಯುದ್ಧದ ಅಂತ್ಯ ಬೇಕು ಎಂದು ಬಯಸಿದ್ದ. ಆದರೂ ಅವರಿಬ್ಬರು ಒಟ್ಟಿಗೆ ಕುಳಿತುಕೊಳ್ಳಲಿಲ್ಲ. ಸಂದೇಶಗಳ ಮೂಲಕ ವಾದಿಸಿದರು. ಸಭೆಯಿಂದ ಹೊರಟುಹೋದರು. ಕಾರ್ಟರ್ ತಂಡವೇ ಈ ಮಾತುಕತೆಗಳನ್ನು ನಿಲ್ಲಿಸಬೇಕು ಎಂದು ಸಲಹೆ ನೀಡಿತು. ಆದರೆ ಕಾರ್ಟರ್ ಹಿಂದೆ ಸರಿಯಲಿಲ್ಲ. ಪ್ರತಿ ರಾತ್ರಿ ಅವರು ತಮ್ಮ ಮನೆಯ ಮುಂದೆ ಒಂಟಿಯಾಗಿ ನಡೆಯುತ್ತಿದ್ದು ಚಿಂತಿಸುತ್ತಾ ದೇವರನ್ನು ಪ್ರಾರ್ಥಿಸುತ್ತಿದ್ದರು. ಹಲವಾರು ಬಾರಿ ತಮ್ಮ ಸ್ವಂತ ಬರವಣಿಗೆಯಲ್ಲಿ ಪತ್ರಗಳನ್ನು ಬರೆಯುತ್ತಿದ್ದರು. ರಾಜಕೀಯದಂತೆ ಯೋಚಿಸುವುದನ್ನು ಬಿಟ್ಟು, ಮಾನವೀಯವಾಗಿ ಯೋಚಿಸಲು ಆರಂಭಿಸಿದರು. ಹನ್ನೊಂದನೇ ದಿನ, ಬೆಗಿನ್ ಹೊರಟುಹೋಗುವುದಾಗಿ ಘೋಷಿಸಿದರು. ಆ ಸಮಯದಲ್ಲಿ ಕಾರ್ಟರ್ ಒಂದು ಸಣ್ಣ ವಿನಂತಿ ಮಾಡಿದರು: “ನನ್ನ ಮೊಮ್ಮಕ್ಕಳಿಗಾಗಿ ಈ ಫೋಟೋಗಳ ಮೇಲೆ ಸಹಿ ಹಾಕುತ್ತೀರಾ?” ಬೆಗಿನ್ ಹೆಸರುಗಳನ್ನು ಬರೆಯುತ್ತಿದ್ದಾಗ, ಕಾರ್ಟರ್ ನಿಧಾನವಾಗಿ ಮಾತನಾಡಿದರು. ರಾಜಕೀಯದ ಬಗ್ಗೆ ಅಲ್ಲ, ಪರಂಪರೆ ಬಗ್ಗೆ. ನಾವು ನಮ್ಮ ಮುಂದಿನ ಪೀಳಿಗೆಗೆ ಏನು ಹೇಳುತ್ತೇವೆ ಎಂಬುದರ ಬಗ್ಗೆ. ನಂತರ ಅವರು ಕೇಳಿದ ಪ್ರಶ್ನೆ: “ಈ ಕ್ಷಣದ ಬಗ್ಗೆ ನಿಮ್ಮ ಮೊಮ್ಮಕ್ಕಳಿಗೆ ನೀವು ಏನು ಹೇಳುತ್ತೀರಿ?” ಬೆಗಿನ್ ಉಳಿದರು. ಎರಡು ದಿನಗಳ ನಂತರ, 1978ರ ಸೆಪ್ಟೆಂಬರ್ ೧೭ರಂದು ಕ್ಯಾಂಪ್ ಡೇವಿಡ್ ಒಪ್ಪಂದಕ್ಕೆ ಸಹಿ ಹಾಕಲಾಯಿತು. ಸಿನಾಯ್ ಪ್ರದೇಶವನ್ನು ಈಜಿಪ್ಟ್ಗೆ ಮರಳಿ ನೀಡಲಾಯಿತು. ರಾಜತಾಂತ್ರಿಕ ಸಂಬಂಧಗಳು ಸ್ಥಾಪಿಸಲ್ಪಟ್ಟವು. ಯುದ್ಧದ ಬದಲು ಶಾಂತಿ ಪ್ರಾರಂಭವಾಯಿತು. ಸದಾತ್ ಮತ್ತು ಬೆಗಿನ್ ಅವರಿಗೆ ನೋಬೆಲ್ ಶಾಂತಿ ಪ್ರಶಸ್ತಿ ದೊರಕಿತು. ಕಾರ್ಟರ್‌ಗೆ ತಕ್ಷಣ ಸಿಗಲಿಲ್ಲ. 1980ರಲ್ಲಿ ಅವರು ಚುನಾವಣೆಯಲ್ಲಿ ಸೋತರು. ಆದರೆ ಅವರ ಕಥೆ ಅಲ್ಲಿಗೆ ಮುಗಿಯಲಿಲ್ಲ. ಅವರು ತಮ್ಮ ಊರಿಗೆ ಮರಳಿ ಸರಳ ಜೀವನ ನಡೆಸಿದರು. ಹ್ಯಾಬಿಟಾಟ್ ಫಾರ್ ಹ್ಯೂಮ್ಯಾನಿಟಿಯೊಂದಿಗೆ ಮನೆಗಳನ್ನು ಕಟ್ಟಿದರು. ಕಾರ್ಟರ್ ಸೆಂಟರ್ ಸ್ಥಾಪಿಸಿದರು. ರೋಗಗಳ ವಿರುದ್ಧ ಹೋರಾಡಿದರು. ಚುನಾವಣೆಗಳನ್ನು ಮೇಲ್ವಿಚಾರಣೆ ಮಾಡಿದರು. ೨೦೦೨ರಲ್ಲಿ ಅವರಿಗೆ ನೋಬೆಲ್ ಶಾಂತಿ ಪ್ರಶಸ್ತಿ ದೊರಕಿತು. 2024 ಡಿಸೆಂಬರ್ ೨೯ರಂದು ಅವರು ನಿಧನರಾದರು. ಅವರಿಗೆ 100 ವರ್ಷ ವಯಸ್ಸಾಗಿತ್ತು. ಇಂದು ಇತಿಹಾಸ ಅವರ ಬಗ್ಗೆ ತೀರ್ಪು ಬದಲಿಸಿದೆ. ಕ್ಯಾಂಪ್ ಡೇವಿಡ್ ಒಪ್ಪಂದ ಇನ್ನೂ ಶಾಂತಿಯನ್ನು ಕಾಯ್ದುಕೊಂಡಿದೆ. ಅವರು ಭಯದ ಮೂಲಕ ಆಡಳಿತ ನಡೆಸಲಿಲ್ಲ. ಕ್ರೌರ್ಯವನ್ನು ಶಕ್ತಿಯೆಂದು ಭಾವಿಸಲಿಲ್ಲ. ಅವರು ನಂಬಿದ್ದು-ನಿಜವಾದ ನಾಯಕತ್ವ ಎಂದರೆ ಜನರಲ್ಲಿನ ಒಳ್ಳೆಯತನವನ್ನು ಎಚ್ಚರಿಸುವುದು. ಒಮ್ಮೆ ಅವರು ಎರಡು ಶತ್ರುಗಳಿಗೆ ಕೇಳಿದ ಪ್ರಶ್ನೆ-ಅದು ಅನೇಕ ಜೀವಗಳನ್ನು ಉಳಿಸಿತು. ಅವರನ್ನು ದುರ್ಬಲನೆಂದವರು ಇದ್ದರೂ, ಅವರು ಅರ್ಧಶತಮಾನದ ಯುದ್ಧ ಭೀತಿ ಭೂಮಿಯ ಮಧ್ಯಪ್ರಾಚ್ಯ ರಾಜಕೀಯ ಜಗತ್ತನ್ನು ಬದಲಿಸಿದರು. ಅಮೇರಿಕಾದ 39ನೇ ರಾಷ್ಟ್ರಪತಿ Jimmy Carter ಸರಳತೆ, ಶಾಂತಿ ಮತ್ತು ಮಾನವೀಯತೆಯ ಪ್ರತೀಕ ಅಮೇರಿಕಾದ ರಾಜಕೀಯ ಇತಿಹಾಸದಲ್ಲಿ ವಿಭಿನ್ನ ವ್ಯಕ್ತಿತ್ವವಾಗಿ ಗುರುತಿಸಿಕೊಂಡವರು ಎimmಥಿ Jimmy Carter. 1977ರಿಂದ 1981ರವರೆಗೆ ಅಮೇರಿಕಾದ 39ನೇ ರಾಷ್ಟ್ರಪತಿಯಾಗಿ ಸೇವೆ ಸಲ್ಲಿಸಿದ ಅವರು, ತಮ್ಮ ಸರಳ ಜೀವನ ಶೈಲಿ ಮತ್ತು ಮಾನವೀಯ ಮೌಲ್ಯಗಳಿಂದ ವಿಶ್ವದ ಗಮನ ಸೆಳೆದರು. 1924ರ ಅಕ್ಟೋಬರ್ 1ರಂದು Plains, Georgia ನಲ್ಲಿ ಜನಿಸಿದ ಕಾರ್ಟರ್, ರೈತ ಕುಟುಂಬದ ಹಿನ್ನೆಲೆಯಿಂದ ಬಂದವರು. United States Naval Academy ನಲ್ಲಿ ವಿದ್ಯಾಭ್ಯಾಸ ಪೂರ್ಣಗೊಳಿಸಿ, ನೌಕಾಪಡೆಯಲ್ಲೂ ಸೇವೆ ಸಲ್ಲಿಸಿದರು. ನಂತರ ರಾಜಕೀಯಕ್ಕೆ ಪ್ರವೇಶಿಸಿ ಉeoಡಿgiಚಿ ರಾಜ್ಯದ ಗವರ್ನರ್ ಆಗಿ ಖ್ಯಾತಿ ಗಳಿಸಿದರು. 1977ರಲ್ಲಿ ಅಮೇರಿಕಾದ ರಾಷ್ಟ್ರಪತಿಯಾಗಿ ಅಧಿಕಾರ ವಹಿಸಿಕೊಂಡ ಕಾರ್ಟರ್, ವಿದೇಶಾಂಗ ನೀತಿಯಲ್ಲಿ ಮಾನವ ಹಕ್ಕುಗಳಿಗೆ ಹೆಚ್ಚಿನ ಪ್ರಾಮುಖ್ಯತೆ ನೀಡಿದರು. ಅವರ ಆಡಳಿತದ ಪ್ರಮುಖ ಸಾಧನೆ ಎಂದರೆ Camp David Accords. ಈ ಒಪ್ಪಂದವು Egypt ಮತ್ತು Israel ನಡುವಿನ ದೀರ್ಘಕಾಲದ ವೈಷಮ್ಯವನ್ನು ತಗ್ಗಿಸುವಲ್ಲಿ ಮಹತ್ವದ ಪಾತ್ರವಹಿಸಿತು. ಆದರೆ ಅವರ ಆಡಳಿತ ಅವಧಿಯಲ್ಲಿ ಆರ್ಥಿಕ ಸಂಕಷ್ಟ, ನಿರುದ್ಯೋಗ ಮತ್ತು Iran Hostage Crisis ಮೊದಲಾದ ಸವಾಲುಗಳು ಎದುರಾದವು. ಈ ಘಟನೆಗಳು ಅವರ ರಾಜಕೀಯ ಬದುಕಿನ ಮೇಲೆ ಪರಿಣಾಮ ಬೀರಿದವು. ಪದವಿಯಿಂದ ನಿವೃತ್ತಿಯಾದ ಬಳಿಕವೂ ಕಾರ್ಟರ್ ಸಮಾಜ ಸೇವೆಯಲ್ಲಿ ತೊಡಗಿಸಿಕೊಂಡರು. 1982ರಲ್ಲಿ Carter Center ಅನ್ನು ಸ್ಥಾಪಿಸಿ, ವಿಶ್ವದಾದ್ಯಂತ ಶಾಂತಿ ಮತ್ತು ಆರೋಗ್ಯ ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸಿದರು. ಈ ಕಾರ್ಯಕ್ಕಾಗಿ ಅವರಿಗೆ 2002ರಲ್ಲಿ Nobel Peace Prize ಲಭಿಸಿತು. ಸರಳತೆ, ಪ್ರಾಮಾಣಿಕತೆ ಮತ್ತು ಮಾನವೀಯತೆ ಎಂಬ ಮೌಲ್ಯಗಳನ್ನು ಜೀವನಪರ್ಯಂತ ಪಾಲಿಸಿಕೊಂಡು ಬಂದ Jimmy Carter, ಇಂದಿಗೂ ವಿಶ್ವ ನಾಯಕರಿಗೆ ಮಾದರಿಯಾಗಿದ್ದಾರೆ.